दानुरी शेर्पा, ओखलढुंगा, मंसिर १० गतेको चुनाब आउने मिति नजिकिँदै जाँदा ओखलढुगांका मतदाताहरु भने कसरी मत हाल्ने भन्ने बारेमा अलमलमा परेका छन् । चुनाब आउन केही दिनमात्र बाँकी छँदा मतदाताहरु मत हाल्ने तरिका नजानेकाले अल्मलमा हुन् ।

जिल्ला निर्वाचन कार्यालयले प्रभावकारी मतदाता शिक्षा सञ्चालन गर्न नसकेको कारण यस्तो भएको हो । 
कार्यालयले जिल्लामा ढिलो गरी सुरु भएको मतदाता शिक्षा कार्यक्रम शुरु गरेको भएता पनि भौगोलीक बिकटताका कारण मतदाता शिक्षा कार्यकर्ताहरु  दुर्गमका सबै ठाँउमा नपुग्दा मतदाताहरु अल्मलीएका हुन । 
पहिलो पटक दुई तहका लागि हुने निर्वाचनमा तिनवटा छुट्टाछुट्टै मतपत्रमा मत संकेत गर्नुपर्ने व्यवस्था गरेको मतादातालाई मतपत्रका विषयमा जानकारी नहुने हुदाँ  मतदाताहरुको मत बदर हुने सम्भाबना बढ्दै गएको छ ।
ओखलढुगांमा १ सय ४१ मतदान केन्द्रमा मतदाता शिक्षा लागि मतदाता शिक्षा कार्यकर्ता खटिएको निर्बाचन कार्यलयले जनाएको छ । तर पनि दुर्गमका मतदाताले भने अहिलेसम्म मतदाता शिक्षा नपाएको गुनासो गर्दै आएका छन् ।