ओखलढुंगा, ९ भाद्र २०८२ 
सुनकोशी अनलाइन 

संघिय माननिय रामहरी खतिवडाको पहलमा संघिय सरकारले ओखलढुंगा रुम्जाटार सडकका लागि ६ करोड रकम विनियोजन गरेको छ ।

सिद्धिचरण नगरपालिका वडा नं. ११, ३, ४ र ५ जिउँदो शहिद लोक बहादुर गुरुङ ओखलढुंगा जिल्ला अस्पताल रुम्जाटार देखि ओखलढुंगा सदरमुकाम मिलन चोक सम्म सडक स्तरोन्तीका लागि ३ करोड र ओखलढुंगा रुम्जाटार सडक स्तरोन्ती तथा मर्मत सिद्धिचरण नपा ३ करोड गरी ६ करोड रकम विनियोजन गरेको हो ।

८ किलोमिटर ओखलढुंगा रुम्जाटार सडक एडिविले कही बर्ष अगाडी मात्र करोडौ रकम खर्च गरेर बनाएको पीच १ बर्ष मात्र नभए पछि त्यसलाई टाल्न सघन शहरी तथा भवन निर्माण आयोजना ओखलढुंगा मार्फत रकम विनियोजन गरिएको हो ।

त्यसैगरी कोशी प्रदेशको बहुबर्षिय योजनामा समावेश भई ठुलो लगानीमा बनिरहेको मिलानचोक रुम्जाटार सडक पनि अब संघिय शहरी विकास तथा भवन निर्माण आयोजनाले निर्माण गर्ने भएको हो ।

संघिय माननिय खतिवडाको पहलमा शहरी विकास मन्त्री प्रकाशमान सिँहले रुम्जाटारका लागि विनियोजन गरी बजेट समावेश गरेको भएता पनि माननिय रोसन कार्कीले भने आफुले गरेका कामको प्रचार गरेको भन्दै चुनौति दिदै आएकी छन ।