३१ श्रावण २०८२
सुनकोशी अनलाइन 

सरकारले माध्यामिक तहको प्राविधिक धार, प्रिडिप्लोमा र डिप्लोमा तहको पाठ्यक्रम एकीकरण गर्न १० लाख रकम विनियोजन गरेको छ । प्राविधिक धारको पाठ्यक्रम एकीकरण गर्न विद्यालय शिक्षा क्षेत्र योजना अन्र्तगत पाठ्यक्रम विकास केन्द्रको बजेट शिर्षक नं. ३५०००११०१ को खर्च शिर्षक २२५२२ मा रकम विनियोजन गरेको हो । अहिले शिक्षा मन्त्रालयले सञ्चालन गरेको माध्यामिक तहको ९-१२ र प्राविधिक शिक्षा तथा व्यवसायिक तालिम परिषदको प्रिडिप्लोमा र डिप्लोमा तहका फरक फरक पाठ्यक्रम अनुसार पठानपाठन भइरहेका छन । 
शिक्षा विज्ञान तथा प्रविधि मन्त्रालयको समन्वयमा प्राविधिक शिक्षा तथा व्यवसायिक तालिम परिषद लगायत विज्ञहरुको सहभागीतामा माध्यामिक तहको प्राविधिकधार तर्फको मौजुदा पाठ्क्रममा एकिकरण गर्न सकिने विषय बस्तुको पहिचाहन गर्ने, विभिन्न विधागत  क्षेत्रका विज्ञको सहभागीतामा कार्यदल गठन गरी एकीकरण गर्न सकिने पाठ्यक्रम संरचनाको मसौदा तयार गर्ने, शिक्षक कार्यशाला मार्फत सुधार गर्ने, विषय समितिमा छलफल गरी प्रस्तावित संरचनाको अन्तिमीकरण गर्ने, समन्वय तथा सम्पादन समितिबाट स्वीकृत गराउने, र प्रस्तावित पाठ्यक्रम स्वीकृतका लागि परिषदमा पेश गर्ने कार्य गर्न उक्त रकम खर्च गर्ने उल्लेख गरेको छ ।